Zer da Agenda 21?
Garapen iraunkorraren aldeko ekintza-plana da.
Zer da iraunkortasuna?
Ziklo naturalak eta materialen birziklapena kontuan dituen produzitzeko eta kontsumitzeko modua da, baita ondasunak banatzeko bide zuzena ere.
Hiru dimentsio izan behar ditu:
· ingurumenekoa
· soziala
· ekonomikoa
Zer da Eskolako Agenda 21?
Programa bat da. Programa horrek ikastetxeei laguntzen die garapen iraunkorrarekin konprometituta dagoen hezkuntza-jarduera garatzen.
Horretarako gizarte eta ingurumen-gaiak ikasteaz gain, iraunkortasunaren aldeko ohiturak eta portaerak garatzen dira.
Hiru euskarritan oinarritzen da:
· Eskola-inguruneko ingurumen-hobekuntza
· Hezkuntza-kalitatea
· Txertatuta dagoen komunitatearen parte-hartzea
Azken helburua da guren ingurua ekologikoago bihurtzea eta gizarte iraunkorragoa eraikitzen laguntzea.
Zertaz arduratzen da?
- Eskola-inguruneko ingurumen hobekuntzaz: · Eraikina
· Jolas guneak
· Kanpoko ingurunea
· Garraioa eta mugikortasuna
· Jangela
· Materialak
· Energia
· Ura
· Hondakinak
- Hezkuntza-jarduera hobekuntzaz eta parte-hartzeaz.
Ze onura ekarriko du?
· Ikastetxeko ingurumen-egoera hobetu.
· Garapen iraunkorraren ideia ulertu eta esperimentatu.
· Proiektu bateratu baten parte hartu eta elkarrizketa eta adostasuna sustatu.
· Komunitatean integratuta gaudela sentiarazi.
· Haurrei eta gazteei, gai komunak kudeatzeko lanetan parte hartzeko aukera eman.
· Ikastetxearen irudia hobetu.
