Ingelera errefortzua udan
- ekainak 28 - uztailak 16 |
- elorrio bhi
Hezkuntza, Unibertsitate eta Ikerketa Saila jabetzen da atzerriko hizkuntzak garrantzitsuak direla Derrigorrezko Bigarren Hezkuntzan. Hori dela eta, hizkuntzak ikastea indartu nahi du, eta horretarako ingeles-klaseetako programa berria jarriko du martxan, ikasturtean ikasitakoak indartzeko. Programa hori ikastetxe publikoetako DBHko 4. mailako ikasleentzako izango da, 2010eko ekainaren 28tik uztailaren 16a bitartean.
1. Ingeles-klaseetako programaren xedeak:
Klaseen helburua da ingelesa ikastea eta modu praktikoan erabiltzea. Jarduera guzti-guztiak ingelesez izango dira. Helburua da gaitasun-maila berriak lortzea eta lortutakoak sendotzea.
2. Antolamenduaren ezaugarriak:
Ikastaroen ezaugarriak:
- Jarduerak goizetan egingo dira, astelehenetik ostiralera.
- Jarduera 2010eko ekainaren 28tik uztailaren 16 bitartean egingo da.
- Egunean, gutxienez, 2 irakastordu emango dira.
- Eskolaz kanpoko beste jarduera batzuk eta irteerak edo txangoak ere egin ahal izango dira, horiek ere ingelesez.
3. Ezaugarri pedagogikoak:
- Egituratu, eta ikastaroetan parte hartzen duten ikasleen hezkuntza-etapako mailetara egokitu beharko dira.
- Eguneroko lanean baliabide multimediak erabili ahal izango dira.
- Mintzamena modu sistematikoan landuko da, eta horretarako ahozko azalpenak antolatuko dira, banaka edo taldeka.